社交媒體 - 香港大學專業進修學院
Main content start

社交媒體

HKU SPACE 香港大學專業進修學院

April 21 at 18:15pm

#世界微雜誌 Work from Home ≠ 準時收工?  因為疫情緣故,唔少打工仔WFH已經幾個星期,有人home office會快快手手完成工作睇戲relax,亦有人會因此越嚟越夜瞓😪  望下個鐘,你開始有啲焦慮,雖然明知自己捱夜,聽日一定冇精神,但就係忍唔住會碌多半個鐘電話...  如果,你有呢種自虐式「報復性熬夜」嘅習慣,你好可能患上咗荷蘭烏德勒支大學Floor Kroese教授提出嘅「睡前拖延症」(bedtime procrastination),意指即使冇任何外部因素干擾,患者亦無法準時上床瞓覺。報復性捱夜可能源自對於生活壓力嘅心理補償機制,藉住夜瞓盡量拉長屬於自己嘅私人時間,又或者係完美主義者因為擔心工作表現而難以入眠。  以下有3個改善睡眠tips或者可以幫到你🧚🏻‍♀️  📝列出睡前to-do list 珍惜收工後嘅私人時間,好好規劃睡前兩個鐘你想做嘅事,訂立可行嘅to-do list。  🧘🏻建立睡前儀式 建立屬於自己嘅睡前放鬆儀式,例如飲杯熱水、沖個熱水澡、聽住放鬆嘅音樂做一陣伸展運動,令自己容易啲進入睡眠狀態。  🛌固定早起時間 預先調好一個星期的鬧鐘調整生理時鐘,讓身體習慣固定起床時間。  #HKUSPACE #每天多學一點 #Facts #FunFact #知識 #Knowledge #studygram #student #新冠肺炎 #肺炎 #抗疫 #生理時鐘 #失眠 #晚睡 #拖延症 #焦慮 #健康 #生活習慣 #睡眠質素 #wfh #homeoffice #covid19

HKU SPACE 香港大學專業進修學院

April 17 at 21:07pm

#世界微雜誌 🎞疫情期間嘅電影清單🎞   疫症爆發至今,唔少猶如電影情節嘅景象成為咗我哋嘅日常,喺電影史上有唔少同疫情相關嘅電影,除咗警世意味,或者我哋能夠喺當下時空藉此機會反思世道人生。睇電影,見曙光✨  《 #愛在瘟疫蔓延時 》(Love in the Time of Cholera) 呢部電影改編自諾貝爾文學獎得主馬奎斯嘅同名作品,故事講述十九世紀晚期嘅哥倫比亞,一對因為貧富懸殊而被拆散嘅年輕戀人,經歷戰爭及霍亂,愛在風雨飄搖時嘅故事。提醒我哋,面對疾病恐慌,愛總能燃起一絲希望。  《 #世紀戰疫 》(Contagion) 呢部2011上映嘅電影有Matt Damon、Kate Winslet、Jude Law等大卡士,故事講述不明病毒於美國爆發,反映大眾對瘟疫嘅恐懼,喺社會秩序崩潰下,大家必須跨越對他者嘅不信任,先能夠所有人共同努力抵抗疫症。  《 #流感大流行 》(Pandemic: How to Prevent an Outbreak) 呢部Netflix嘅社會文化紀錄片,以簡明方法解釋病毒傳播嘅方式,除咗討論各地嘅醫療政策外,亦花咗唔少篇幅描繪前線醫護對抗流感所作嘅犧牲,讓我哋明白醫護嘅堅強及偉大。  《 #感染列島 》(Pandemic) 呢部電影唔少畫面大概會令你覺得似曾相識:恐慌性搶購物資、醫護人員不懈抗疫、有人逃離隔離病房等等。電影中流露著於絕境仍有美善與希望,尾段以馬丁路德嘅名言「即使明天地球滅亡,今天也要將蘋果樹種下」作結,提醒我哋喺絕境中唔好忘記心存希望。  人生如戲,戲如人生,以上電影值得你喺此時此刻細細品味,但願藉住電影嘅力量,能夠為大家帶來希望,驅走心頭陰霾。  #HKUSPACE #每天多學一點 #Facts #FunFact #知識 #Knowledge #studygram #student #CEF #新冠肺炎 #肺炎 #抗疫 #電影 #movie #電影台詞 #電影對白 #在家電影 #covid19

香港大學專業進修學院
香港大學專業進修學院(Facebook) 香港大學專業進修學院(Linkin) 香港大學專業進修學院(Youtube) 香港大學專業進修學院(Instagram)
香港大學附屬學院
香港大學附屬學院(Facebook) 香港大學附屬學院(Youtube) 香港大學附屬學院(Weibo)
香港大學專業進修學院國際學院
香港大學專業進修學院國際學院(Facebook) 香港大學專業進修學院國際學院(Linkin) 香港大學專業進修學院國際學院(Youtube) 香港大學專業進修學院國際學院(Instagram)
中國商業學院
中國商業學院(Youtube) 中國商業學院(Weibo)